मन लाग्छ

सधै तिम्रो परेलीमा रुझ्न मन लाग्छ

क्षितिजपारी एकान्तमा हेर्न मन लाग्छ।

बादलुको घुम्टो भित्र लुकछिपि खेल्दै

बैशालु यो आतलाई चिर्न मन लाग्छ।

अभ्यस्त नयन खेलाउदै एक आपसमा

सबै कुरा आखा बाटै भन्न मन लाग्छ।

निर्दोष यि हातहरु तिम्रै सामु राखि

जिन्दगीको भाग्यरेखा कोर्न मन लाग्छ।

गजल

एकान्तमा रमाउदै हाँसेर म आएको छु

जिन्दगीको फुलमाला गाँसेर म आएको छु।

अनगिन्ति इच्छाहरु आफैमा सिमित राख्दै

लेखान्तको बिधिलाई टाँसेर म आएको छु।

सम्भाव्यको सिमारेखा कोरेर हर्षित हुदै

द्रुष्टताको पृष्ठभुमि माँसेर म आएको छु।

द्रऋहको पोकोलाई तल्लीन भएर हेर्दै

सत्यताको समीपमा छाँसेर म आएको छु